20.1.12

Cursos de inverno da ESCOLA POPULAR GALEGA no CS Arredista


Os cursos começarám em Fevereiro e salvo o de tamboril som todos de balde e abertos a todo o mundo. Teremos até o dia 27 de Janeiro (incluido) para chamar ao 654254239 ou enviar um correio ao csarredista@gmail.com e apontar-se deixando o vosso número de contato. Depois convocará-se umha reuniom das pessoas interessadas em cada curso com a professora correspondente para fijar o dia da semana e hora que convenha melhor a todo o mundo.

Os cursos som:

Criaçom de sítios web con wordpress (de balde), (3 ou 4 aulas aprox.)

Impartido por Xabier Carriba
Apreenderemos a criar sítios web singelos empregando o gestor de contidos wordpress, desde a instalaçom até a personalizaçom do sítio mediante plugins e temas passando pola gestom de conteúdos.

Tamboril (10 euros/mês),
(até fim de curso)

Impartido por Iris

Noçons básicas de tamboril para quem se queira iniciar, mas também curso de aperfeiçoamento.

Iniciaçom à pandeireta
(de balde), (até fim de curso)
Impartido por Iria Beiroa
Aprende a defender-te com este instrumento.

Iniciaçom ao galego português
(de balde), (8 aulas aprox.)

Impartido por Carlos Calvo

Curso para escrever e falar com jeito na nossa língua.

Conheçamos os nossos direitos laborais
(de balde), (3 aulas aprox.)


Impartido por Fernando Alfaia

Questons práticas. Interpretaçons de contratos, contratos temporários e em fraude de lei, cálculos de salários e nóminas, ...

História do independentismo galego
(de balde), (8 aulas aprox.)

Impartido por Davide Loimil

Dividiremos o temário em 4 blocos: Repasso geral pola história do País, veremos que realidade se atopam os primeiros nacionalistas e arredistas. O regionalismo e primeiro nacionalismo até o golpe fascista de 36. O movimento durante, e depois da guerra (até 1978). Finalmente repassaremos o nacionalismo logo da reforma política.

Talher de cosmética natural (de balde), (1 só aula de 2 horas)

Impartido por Xurxo Hervas

Falaremos das propiedades das prantas e faremos as nossas cremes, unguentos e potingues para cuidar-nos melhor prescindindo das grandes corporaçons do setor que experimentam com animais nos enganam e envelenam.

Em breve subiremos um desglosse mais detalhado da temática de cada curso e dos materiais que podam fazer falha.

Lembrade apontar-vos no telefone: 654254239 ou no correio web: csarredista@gmail.com